तिवारी हत्याकाण्डः छानबिन समिति गठन गर्न युवा संघको माग (भिडियाेसहित)

1482209296yuba

टिभी अन्नपूर्ण ५ पुस, काठमाडौं ।

युवा संघ नेपालले रुपन्देही संघका अध्यक्ष दुर्गा तिवारीको हत्याको छानबिनका लागि समिति गठन गर्न माग गरेको छ ।

युवा संघले आज बिहान पत्रकार सम्मेलन गर्दै तिवारी हत्याको विषयमा छानविन गरी सत्यतथ्य छानविन गर्न समिति गठन गर्न माग गरेको हो । संघका अध्यक्ष राजीव पहारीले तिवारी हत्याको छानबिन गरी सत्यतथ्य जानकारी बाहिर ल्याई दोषीमाथि कारबाही गर्न माग गरेका हुन् । तिवारीको हत्या राष्ट्रिय अखण्डतालाई कमजोर बनाउन गरिएको तथा प्रदेश नम्बर ५ मा भइरहेको आन्दोलनलाई निस्तेज पार्न गरिएको भन्दै सरकारले तुरुन्तै छानबिन गर्नुपर्ने बताए ।

सरकारले मंगलबार छानबिन समिति गठन नगरे बुधबारबाट नेपाल बन्दजस्ता कार्यक्रम गर्ने चेतावनी दिए । पत्रकार सम्मेलनमा हत्याको विरोधमा मंगलबार दिउँसो देशभरि चक्काजाम गर्ने अध्यक्ष पहारीले जानकारी गराए ।

यसैगरी सङ्घले पनि छुट्टै छानबिन समिति गठन गरेको छ । सङ्घका महासचिव किरण पौडेलको संंयोजकत्वमा सचिवद्वय नरेश शाही र अशोक चन्द सदस्य भएको समिति गठन गरेको हो ।

Related posts

Leave a Comment