भावुक हुँदै ओबामाले भने, अमेरिकामा मुस्लिममाथिको भेदभाव अन्त्य भयो (भिडियाे)

टिभी अन्नपूर्ण २७ पुस, काठमाडौं ।

अमेरिकी राष्ट्रपति बाराक ओबामाले आफ्नो दुई कार्यकालको अन्तिम बिदाई भाषण गरेका छन् ।

दुई पटक अमेरिकाको राष्ट्रपति भएका ओमाबाले आफ्नो अन्तिम बिदाईको भाषणमा ज्यादै भावुक भएका छन् । उनले आफ्नो भाषणमा आठ वर्षअघि आफूले सत्ता सम्हाल्दाभन्दा अमेरिका हरेक हिसाबले राम्रो र सुरक्षित भएको जिकीर गरेका छन् । उनले अमेरिकी मुस्लिमविरुद्धको भेदभाद अन्त्य गरिएको दावी गरे ।

_93352366_gettyimages-631431076-2
राष्ट्रपतिका रुपमा शिकागोमा बिदाई भाषण दिंदै ओबामाले जातीय भेदभाव अन्त्यका लागि अझै धेरै काम गर्न जरुरी रहेको पनि बताए । आफ्नो कार्यकालमा ओसामा बिन लादेनलगायतका सयौं आतंककारीलाई समाप्त गरेको उल्लेख गर्दै उनले इराकबाट अमेरिकी सेनालाई फिर्ता गर्दै आर्थिक अवस्था राम्रो बनाउन सफल भएको बताए ।

_93352174_obamanew

ओबामाले बाहिरी आक्रमणप्रति अमेरिका सजग रहेको भन्दै रुस र चीनले अमेरिकासँग बराबरी गर्न नसक्ने स्पष्ट पारे । उनले आफ्नो कार्यकालमा इरान र क्यूवासँगको सम्बन्धमा निकै सुधार आएको चर्चासमेत गरे ।

भावुक हुँदै उनले भने, ‘मलाई तपाईहरुले नै उत्कृष्ट राष्ट्रपति बनाउनु भएको हो ।’ राष्ट्रपतिहरुबीच शान्तिपूर्ण सत्ता हस्तान्तरण नै अमेरिकी प्रजातन्त्रको विशिष्टता भएको उनले बताए । प्रत्येक जनताले आर्थिक अवसर पाउने अवस्था नभए प्रजातन्त्रले काम गर्न नसक्ने ओबामाको भनाइ थियो ।

अमेरिकाको पहिलो अश्वेत राष्ट्रपति ५५ वर्षीय ओबामा पहिलो कार्यकालका लागि सन् २००८ मा निर्वाचित भएका थिए । सन् २०१२ मा उनले दोस्रो कार्यकालका लागि जनादेश पाए ।

ओबामाको स्थानमा आउन लागेका नवनिर्वाचित राष्ट्रपति डोनाल्ड ट्रम्पले ओबामा प्रशासनका धेरै नीति परिवर्तन गर्ने घोषणा गरिसकेका छन् । ट्रम्पले जनवरी २० मा पदभार ग्रहण गर्दैछन् ।

भिडियाे हेर्न तलकाे लिंकमा क्लिक गर्नुहाेसः

Related posts

Leave a Comment