न्यूनतम पारिश्रमिक कार्यान्वयनमा सक्रियता चाहियो: सञ्चार मन्त्री

काठमाडौँ । सूचना तथा सञ्चारमन्त्री मोहनबहादुर बस्नेतले पत्रकारको न्यूनतम पारिश्रमिक कार्यान्वयन हुनुपर्ने बताउनुभएको छ ।

नेपाल प्रेस युनियन, उपत्यका समन्वय समितिले यहाँ आज आयोजना गरेको प्रेस युनियन उपत्यकास्तरीय भेलाको उद्घाटन गर्दै मन्त्री बस्नेतले न्यूनतम पारिश्रमिक लागू गराउन सबै सञ्चार माध्यमले तदारुकता देखाउनुपर्ने बताउनुभयो ।

मन्त्री बस्नेतले न्यूनतम पारिश्रमिक लागू गराउन सरकार प्रतिबद्ध रहेको र यसमा सरोकारवाला पत्रकार तथा पत्रकारका संघ, संगठन र सञ्चारगृहको अग्रसरता चाहिने बताउनुभयो ।

पत्रकार धर्मेन्द्र झाले सरोकारवाला निकायको चासो नभएका कारण न्यूनतम पारिश्रमिक कार्यान्वयन हुन नसकेको बताउनुभयो ।

युनियनले आगामी नेपाल पत्रकार महासंघको महाधिवेशनलाई लक्षित गर्दै आवश्यक रणनीति बनाउन भेला आयोजना गरेको हो ।

Related posts

Leave a Comment