स्कटल्याण्डको ब्याटिङ लाइन ध्वस्त पार्दै सन्दीप

काठमाडौं । सन्दीप लामिछानेले नेपालका लागि पाँचौ सफलता दिलाएका छन् । उनको भने चौथो व्यक्तिगत विकेट हो । सन्दीपले स्कटल्याण्डका टोमसलाई १ रनमा आउट गराएका हुन् । क्रिजमा अहिले ब्राण्डन म्याकमुलन र म्याथ्यु क्रस रहेका छन् ।

यसअघि सन्दीपले आफ्नो पहिलो ओभरमै विकेट लिएर नेपालको विकेट खाता खोलेका थिए । नेपालका प्रमुख बलर सन्दीपमाथि हावी भएर खेल्ने स्कटिस टिमको रणनीति देखिएको छ । सन्दीपमाथि उनीहरु लगातार ठूला सट खेलिरहेका छन् ।

अर्कोतर्फ सन्दीपले पनि स्कटल्यान्डका थप दुई विकेट झारेर आफ्नो क्षमता देखाइदिएका छन् । सन्दीपले आफ्नो दोस्रो ओभरको पाचौं र छैटौं बलमा लगातार विकेट लिन सफल भएका थिए । विष्फोटक अन्दाजमा खेलिरहेका जर्ज मुन्सेलाई सन्दीपले बोल्ड गरेसँगै नेपाल खेलमा फर्किएको थियो ।