कोरियाली प्रायद्वीपमा अमेरिकी पनडुब्बी

बुसान। अमेरिकी नौसेनाको पनडुब्बी दक्षिण कोरियाको बुसानमा रहेको नौसेना बन्दरगाहमा राखिएको छ। परमाणु शक्तिबाट सञ्चालित युएसएस स्प्रिङफिल्डको आगमन सामाजिक सञ्जालमा घोषणा गरिएको थियो।

हालैका महिनाहरूमा धेरै पटक हतियार परीक्षण गरेको उत्तर कोरियालाई चेतावनी दिन पनडुब्बीको उपस्थितिको उद्देश्य रहेको विश्वास गरिन्छ। यी परीक्षणहरूले प्रायद्वीपमा तनाव बढाएको छ। उत्तर कोरियाले बिहीबार मात्र समुद्रमा चारवटा क्रुज मिसाइल परीक्षण गरेको छ ।