काठमाडौँ उपत्यकामा वर्षा
काठमाडौं : काठमाडौं उपत्यकामा आज (आइतबार) यसपालिको पहिलो हिउँद वर्षा भएको छ। जल तथा मौसम विज्ञान विभागको मौसम पूर्वानुमान महाशाखाका अनुसार आज अपराह्न काठमाडौंमा वर्षा भएको हो।
काठमाडौंको उपत्यकामा यतिखेर वर्षासँगै चट्याङ परेको छ। मौसम पूर्वानुमान महाशाखाले पश्चिमी वायुको प्रभावका कारण देशैभरिका पहाडी क्षेत्रमा मौसम बदली भएको जनाएको छ।
यस्तै, मौसम पूर्वानुमान महाशाखाका अनुसार भोलि देशको पहाडी भूभागमा आंशिकदेखि सामान्य बदली रही बाँकी भूभागमा मौसम सामान्यतया सफा रहनेछ।
