पुलिसविरुद्धको खेलमा थ्री स्टार विजयी

काठमाडौँ – शहीद स्मारक ए डिभिजन लिग फुटबलमा थ्री स्टार क्लबले नेपाल पुलिस क्लबलाई हराएको छ ।एन्फा कम्प्लेक्सको मैदान सातदोबाटोमा आज बिहीवार भएको खेलमा थ्री स्टारले पुलिसलाई १–० गोलले हराएको हो ।

थ्री स्टारका लागि ६५ औँ मिनेटमा अजयी मार्टिन्सले गोल गरे । यो जितसँगै थ्री स्टार ८ खेलमा १४ अङ्कसहित चौथो स्थानमा पुगेको छ । समान खेलमा ४ अङ्क जोडेको पुलिस पुछारबाट दोस्रो स्थानमा छ ।