रियल म्याड्रिड च्याम्पियन्स लिगको सेमिफाइनलमा प्रवेश

रियल म्याड्रिडले युरोपेली च्याम्पियन्स लिगको सेमिफाइनल यात्रा सुनिश्चित गरेको छ । इंग्लिस क्लब चेल्सीलाई पराजित गर्दै साविक विजेता स्पेनिस क्लब रियलले च्याम्पियन्स लिगको सेमिफाइनलमा प्रवेश गरेको हो ।

क्वार्टरफाइनल दोस्रो लेगको स्टायमफोर्ड ब्रिजमा भएको खेलमा रियलले चेल्सीलाई २–० ले हरायो । पहिलो हाफसम्म बराबरीको खेल खेलेको भए पनि दोस्रो हाफको ५८औं मिनेटमा भिनिसियस जुनियरको पासमा रोड्रिगोले गोल गर्दै रियललाई १–० को अग्रता दिलाए भने उनै रोड्रिगोले ८०औं मिनेटमा दोस्रो गोल गर्दै रियलको जित पक्का गर्दै क्लबलाई लिगको सेमिफाइनलमा प्रवेश गराए ।