एसीसी प्रिमियर कप : आज ओमानसँग भिड्दै नेपाल
एसीसी प्रिमियर कपअन्तर्गत घरेलु टोली नेपालले आज शुक्रबार ओमानसँग प्रतिस्पर्धा गर्दै छ ।
कीर्तिपुरस्थित त्रिवि क्रिकेट मैदानमा हुने खेल बिहान ९ बजे सुरु हुनेछ । च्याम्पियनसिपको उपाधि दाबेदार नेपाल ओमानलाई हराउँदै सेमिफाइनल प्रवेशको सम्भावना बलियो बनाउन चाहन्छ ।
नेपाल आजको खेलमा विजयी भए समूह ए को विजेता बन्दै अन्तिम चारमा प्रवेश गर्ने सम्भावना बलियो छ । नेपालसँगै ओमानलाई पनि उपाधि दाबेदार टोलीका रुपमा हेरिएको छ ।
यस्तै अर्को खेल मुलपानी मैदानमा युएइ र हङकङ बीच प्रतिस्पर्धा हुनेछ ।
