विवाह बन्धनमा बाँधिदै रियाशा र भिक्टर

मोडल तथा कलाकार रियाशा दाहालले भिक्टर पौडेलसँग विवाह गर्ने भएकी छन् । उनीहरूले लामो समयदेखिको प्रेम विवाहमा परिणत गर्न लागेका हुन् । रियाशा र भिक्टरबीच यही २२ वैशाखमा विवाह हुदैँछ । भक्तपुरको सूर्यविनायक निवासी रियाशा र गोलढुंगा निवासी भिक्टर केही वर्षदेखि प्रेम सम्बन्धमा थिए ।

रियाशा युट्युबमा प्रसारण हुने भिडियो सिरिज ‘आजकालको लभ’ बाट चर्चामा आएकी हुन् । उनी पछिल्लो समय ‘गाह्रो छ हो’ अभिनयमा व्यस्त छिन् । भिक्टर चर्चित फेसबुक पेज ‘रुटिन अफ नेपाल बन्द’ का संस्थापक हुन्। यो पेज युवा पुस्तामाझ निकै लोकप्रिय छ।

भिक्टरलाई यही पेजले ‘रुटिने’को उपनाम दिएको हो।