थप एकजना कोभिड संक्रमितको मृत्यु

काठमाडौं : बिहीबार पनि कोभिड १९ संक्रमणबाट नेपालमा एक जनाको मृत्यु भएको छ। स्वास्थ्य तथा जनसंख्या मन्त्रालयको विवरणअनुसार आज १११ जना कोभिड १९ का संक्रमित थपिँदा एक जना संक्रमितको मृत्यु भएको हो।

मन्त्रालयको विवरणअनुसार २ हजार ५१७ जनाको नमूना परीक्षण गर्दा १११ जना संक्रमित थपिएपछि नेपालमा कोभिडका सक्रिय संक्रमितको संख्या ३७८ जना पुगेको छ।

सक्रिय संक्रमितमध्ये हाल १८ जना संस्थागत आइसोलेशनमा रहेका छन् भने ६ जना आइसियू र १ जना संक्रमित भेन्टिलेटरमा रहेका छन्। आज ६० जना संक्रमणमुक्त भएका छन्।