बाँसबारी छालाजुत्ता कारखानाको सरकारी जग्गा व्यक्तिको नाममा दर्ता गरेको अभियोगमा पक्राउ परेका व्यवसायी अरुण चौधरीसहित तीनै जना हिरासतमुक्त भएका छन। सर्वसाधरणलाई २४ दिनसम्म थुन्ने आदेश दिने न्यायलयले धनीलाई २ दिन भन्दा बढि थुन्न नमिल्ने आदेश दिएपछि चौधरी रिहा भएका हुन । काठमाडौं जिल्ला अदालतले न्याधिस यज्ञ प्रसाद आचार्यले दुई दिनभित्र अनुसन्धान सक्न र अनुसन्धान नसकिए पक्राउ गरिएकालाई हाजिरी जमानीमा छाड्न आदेश दिएको थियो । सोही अनुसार उनीहरू बुधवार हिरासतमुक्त भएको सीआईबी प्रवक्ता नवराज अधिकारीले जानकारी दिए ।
प्रहरीले हिरासतमा लिएर अनुसन्धान थालेको २५ दिनभित्र अभियोग पत्र दर्ता हुने कानूनी व्यवस्था छ । तर, अदालतले २ दिनमा नै अनुसन्धान सक्न आदेश दिएपछि प्रहरी असन्तुष्ट देखिन्छ । धेरैले अदालतको योआदेशपछि गरिबीलाई ऐन धनीलाई चैन भएको टिप्पाणी गरेका छन ।
सीआईबीले अनुसन्धान सकेर प्रतिवेदन बुझाएपछि सरकारी वकिलले त्यसलाई अध्ययन गरेर अभियोग पत्र तयार गरी अदालतमा दर्ता गर्ने कानुनी व्यवस्था छ ।
बाँसबारी जुत्ता कारखानाको १० रोपनी जग्गा चौधरी समूहले निजी बनाएको आरोपपछि सीआईबीले अनुसन्धान सुरु गरेको थियो । अनुसन्धानमा चौधरीले अर्बो मुल्यको सरकारी जग्गा जालझेल गरेर सित्तैमा आफ्नो नाममा पारेको देखिएको छ ।
