भारतमा सलोन बस्नेतलाई उत्कृष्ट अभिनेताको अवार्ड
भारतको तमिलनाडुस्थित उटीमा सम्पन्न त्रिलोक इन्टरनेशनल फिल्मफेयर अवार्डमा सलोन बस्नेतले उत्कृष्ट अभिनेताको अवार्ड पाएका छन् ।
जुन २६ मा सम्पन्न अवार्ड समारोहमा सलोन छोटो सिनेमा विद्यातर्फ उत्कृष्ट अभिनेता घोषित भएका हुन्। उनले ‘इम प्योर’ चलचित्रका लागि उक्त अवार्ड प्राप्त गरेका हुन् ।
अष्ट्रेलियाको कम्पनीले निर्माण गरेको उक्ता सिनेमालाई अनुप थापाले निर्देशन गरेका हुन् । सिनेमामा सलोनका अलावा मेनुका प्रधान र रुविना थापाको पनि अभिनय रहेको छ ।
अभिनेता बस्नेतको मुख्य भुमिका रहेको सिनेमा जय हो आगामी भाद्र ८ गतेबाट प्रदर्शनमा आउँदैछ ।
