विश्वकप विजेता वेस्टइन्डिज छनोटबाटै बाहिरियो
काठमाडौँ – दुई पटकको विश्वकप विजेता वेस्टइन्डिज पहिलो पटक विश्वकपमा छनोट हुन असफल भएको छ । जिम्बावेमा जारी आइसिसी विश्वकप छनोटको सुपर सिक्समा स्कटल्यान्डसँग ७ विकेटले पराजित भएपछि वेस्टइन्डिज प्रतियोगिताबाट बाहिरिएको हो ।
टस हारेर ब्याटिङमा उत्रिएको वेस्ट इण्डिजले ४३.५ ओभरमा अलआउट हुँदै १८१ रन बनाएको थियो। वेस्ट इण्डिजका लागि जेसन होल्डरले ४५, रोमेरियो सेपार्डले ३६ तथा केभिन सिन्केल्यरले १० रन बनाएका थिए स्कटल्याण्डका ब्रान्डन म्याकमुलेनले सर्वाधिक ३ विकेट, क्रिस सोल, मार्क वाट र क्रिस ग्रिभ्सले समान २ विकेट लिए।
जवाफी ब्याटिङमा उत्रिएको स्कटल्याण्डले ४३.३ ओभरमा ३ विकेट गुमाएर लक्ष्य भेट्टायो । स्कटल्याण्डका लागि म्याथ्यु क्रसले ७४ रन बनाउँदा ब्रान्डन म्याकमुलनले ६९ तथा जर्ज मुन्सले १८ रन बनाए। बलिङतर्फ वेस्टइण्डिजका जेसन होल्डर, रोमेरियो सेपार्ड र अकिल हुसैनले समान १ विकेट लिए।
जितसँगै स्कटल्याण्डले शीर्ष दुईमा पुग्ने सम्भावना कायम राखेको छ ।
