पाकिस्तानमा शक्तिशाली बम विस्फोट हुँदा २० जनाको मृत्यु
पाकिस्तानमा कट्टरपन्थी राजनितिक तथा मुस्लिम नेताका समर्थकहरूको प्रदर्शनमा शक्तिशाली बम विस्फोट हुँदा २० जनाको मृत्यु भएको छ । साथै ५० जनाभन्दा धेरै घाइते भएका छन् ।
उत्तरपश्चिम क्षेत्र बाजुर जिल्लास्थित जमियत उलेमा इस्लाम-फजलको सम्मेलनस्थलमा बम विस्फोट भएको हो । खार तहसीलमा जमियत उलेमा इस्लाम-फजलका एक नेता मौलाना जियाउल्लाह जान विस्फोटमा मारिएका छन् ।
घाइते र मृतकको संख्या बढ्न सक्ने बताएका पाकिस्तानी सञ्चार माध्यमले जनाएका छन् ।
