कोपा अमेरिकाः ब्राजिल र इक्वेडर बराबरीमा

कोपा अमेरिका फुटबलमा ब्राजिललाई इक्वेडरले बराबरीमा रोकेको छ । ब्राजिलको गोयानियामा आज बिहान सम्पन्न खेल १–१ गोलको बराबरीमा सकिएको हो ।

खेलको ३७ औं मिनेटमा इडर मिलिताओले गोल गर्दै ब्राजिललाई अग्रता दिए । तर ५३ औं मिनेटमा इक्वेडरका एन्जल मिनाले एक गोल फर्काएपछि खेल बराबरीमा सकिएको हो ।

बराबरीसँगै ब्राजिलको १० खेल लामो विजयी श्रृंखला तोडिएको छ । तर पनि ब्राजिल कोपा अमेरिकाको समुह ‘बि’ मा शिर्ष स्थानमा रहन सफल भयो । आजको खेलमा ब्राजिलका स्टार फरवार्ड नेयमार लगायत आक्रमणका खेलाडीलाई विश्राम दिइएको थियो ।

४ खेलबाट उसको १० अंक भएको छ । समान खेलबाट ७ अंक जोडेको पेरु, ४ अंक जोडेको कोलम्बिया र ३ अंक जोडेको इक्वेडर पनि क्वाटफईनलमा प्रवेश गरेका छन् ।

समुहका ४ खेलबाट २ अंक मात्रै जोडेको भेनेजुएला भने बाहिरएको छ ।