टुलेजसँग बराबरीमा रोकियो पीएसजी

फ्रेञ्च लिग वानमा पिएसजी बराबरीमा रोकिएको छ । पिएसजीलाई शनिबार टुलेजले १- १ गोलको बराबरीमा रोकेको हो ।

पिएसजीका लागि ६२ मिनेटमा एमबाप्ले पेनाल्टीबाट पहिलो गोल गरे ।

क्लबसँगको सम्झौता विवादका कारण पिएसजीले एमबाप्पेलाई दोस्रो टिममा राखेको थियो भने एसिया भ्रमणमा लगेको थिएन। तर नेइमार साउदी क्लबमा गएको र टिम पहिलो खेलमा गोल गर्न असफल भएपछि एमबाप्पेलाई टिममा फर्काइएको हो ।

एमबाप्पे टिममा फर्किए पनि पिएसजीले जित निकाल्न सकेन ।

टुलेजका लागि ८७ मिनेटमा अबुख्लले पेनाल्टीबाट बराबरी गोल गरे। लिगमा पिएसजी लगातार दुई खेलमा बराबरीमा रोकिएको हो ।