फिल्म ‘एक भगवत् गीता’काे ट्रेलर सार्वजनिक

विपिन कार्की अभिनीत फिल्म ‘एक भगवत् गीता’को ट्रेलर सार्वजनिक भएको छ ।

ट्रेलरले फिल्मको कथावस्तुलाई लिएर प्रकाश पारेको छ । अल्पसंख्यक लैंगिक समुदाय (एलजीबीटआई) र मधेशको कथावस्तुमा बनेको फिल्मले विभेद, समानता र न्यायको सन्देश प्रवाह गरेको छ । विपिनको कमलामाई अवतारमार्फत् निर्देशक झरना थापाले लैंगिक अल्पसङ्ख्यक समुदायको कथावस्तुमार्फत सशक्तीकरणको सन्देश दिन खोजेकी हुन् ।

यस्तै, फिल्ममा सुहाना थापा र धीरज मगरको प्रेम सम्बन्ध र रोमान्सलाई समेत चित्रण गरिएको छ । सुनिलकुमार थापा प्रोडक्सनले निर्माण गरेको यो फिल्मको निर्मातामा सुहाना आफैं हुन् ।

‘एक भगवत् गीत’ भदौ २९ गतेदेखि प्रदर्शनमा आउँदैछ ।