क्यानको अध्यक्षमा चतुरबहादुर चन्द दोहोरिए, उपाध्यक्ष र कोषाध्यक्ष पनि निर्विरोध
नेपाल क्रिकेट संघ (क्यान)को अध्यक्षमा चतुरबहादुर चन्द दोहोरिएका छन् ।
शनिबार जारी चुनावी प्रक्रियामा अध्यक्षका प्रत्यासी विनयराज भण्डारीले उम्मेदवारी नै दर्ता नगरेपछि चन्द निर्विरोध भएका हुन् । अध्यक्षको उम्मेदवार हुन ६ जना प्रस्तावक चाहिने भएकाले संख्या नपुगेपछि उनले उम्मेदवारी नै दर्ता गर्न सकेनन् । चन्द यसअघि पनि अध्यक्ष थिए ।
उपाध्यक्षमा पनि रोशन सिंह निर्विरोध निर्वाचित भएका छन् । कोषाध्यक्षमा चन्द प्यानलबाट पदम खड्का निर्विरोध भएका छन् ।
महिला सदस्यमा सुदूरपश्चिमकी जयन्ती भट्ट निर्विरोध निर्वाचित भएकी छ न्। यसअघिको कार्यकालमा पनि जयन्ती पनि निर्विरोध भएकी थिइन् ।
सचिवमा चन्द प्यानलबाट राष्ट्रिय क्रिकेट टोलीका पूर्वकप्तान पारस खड्काले उम्मेदवारी दिएका छन् । पारसविरुद्ध केन्द्रीय सदस्य प्रशान्त विक्रम मल्लले उम्मेदवारी दर्ता गराएका छन् ।
क्यानका लागि १७ सदस्यीय कार्यसमितीका लागि आज निर्वाचन हुँदैछ । १९ सदस्यमध्ये २ जना भने राष्ट्रिय खेलकुद परिषद् राखेपले मनोनयन गर्नेछ ।
