१८० दिनका लागि अन्तरिक्ष गएका रुबियो ३७१ दिनपछि पृथ्वीमा फर्किए, बनाए कीर्तिमान

अमेरिकी अन्तरिक्ष एजेन्सी नासाका अन्तरिक्ष यात्री फ्रान्क रुबियो कीर्तिमानी ३७१ दिन अन्तरिक्षमा बिताएपछि पृथ्वीमा फर्किएका छन्। उनीसँगै दुई रुसी अन्तरिक्ष यात्री पनि फर्किएका छन् ।

अन्तरिक्षमा सबैभन्दा धेरै दिन बिताउने अमेरिकी बनेका उनीसँगै अरु दुई रुसी अन्तरिक्ष यात्री पनि फर्केका छन् । रुबियो १८० दिन मात्र बस्ने गरी अन्तरिक्षमा गएका थिए । तर उनको यान अन्तरिक्षमै केही चिज ९स्पेस जंक० सँग ठोक्कियो । जसले गर्दा उनको यानमा केही खराबी आयो र उनको यात्रा लम्बियो ।

योसँगै यात्रा ३ सय ७१ दिन पुगेको हो । तर रुबियोको नाममा एक कीर्तिमान पनि बन्यो । उनी सबैभन्दा धेरै दिन अन्तरिक्षमा बिताउने अमेरिकी अन्तरिक्ष यात्री बनेको बीबीसीले लेखेको छ ।

अन्तरिक्षमा धेरै समय बिताएपछि जब उनी पृथ्वीमा फर्किए, तब उनको लागि रिकभरी टोली त्यहाँ उपस्थित थियो ।

कम गुरुत्वाकर्षणको वातावरणमा लामो समयसम्म बस्दा उनको शरीरमा असर परेको हुनुपर्छ र त्यही भएर रिकभरी टोलीले उनलाई गाडीबाट बाहिर निकालेको हो ।

उनको यात्राले मानव शरीर कसरी लामो समयसम्म अन्तरिक्ष उडानमा बाँच्नसक्छ भन्ने बारे धेरै महत्त्वपूर्ण जानकारी प्रदान गर्नेछ । यस यात्राले उनको मांसपेशी, मस्तिष्क र शरीरको पाचन प्रणालीलाई पनि असर गर्नसक्छ ।