अभिनेता अनमोल केसी पक्राउ

अभिनेता अनमोल केसी पक्राउ परेका छन् । उनलाई साँगाबाट पक्राउ गरिएको प्रहरीले जनाएको छ । काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले उनलाई शुक्रबार पक्राउ गरेको हो ।

‘रावायण’ चलचित्र निर्माणका क्रममा उत्पन्न विवादको सिलसिलामा उनी पक्राउ परेका हुन् । रावायण नामक फिल्ममा भएको विवादलाई लिएर निर्माता समूहले केसीविरुद्ध आपराधिक विश्वासघातको कसुरमा किटानी जाहेरी दिएका थिए । निर्माण कम्पनी सुदर्शन थापा प्रोडक्सन प्रालिको तर्फबाट सुप्रिया भन्ने चन्द्रकला कटुवालले उजुरी दिएकी थिइन् ।

प्रहरीका अनुसार केसीले फिल्म खेल्छु भनेर बैंक ट्रान्सफरमार्फत १० लाख रुपैयाँ लिएका थिए । तर, फिल्म खेल्न मानेका थिएनन् ।