बेलायती प्रधानमन्त्री सुनकले किन हटाए गृहमन्त्रीबाट ब्रेभरम्यानलाई ?

एजेन्सी । बेलायती प्रधानमन्त्री ऋषि सुनकले भारतीय मूलकी गृहमन्त्री सुएला ब्रेभरम्यानलाई पदबाट हटाएका छन् ।

प्रधानमन्त्री कार्यालयको विरोधका बाबजुद पनि ब्रेभरम्यानले महानगरीय प्रहरीलाई विरोध प्रदर्शनमा भेदभाव गरेको आरोप लगाउँदै लेख लेखेकी थिइन्।

विगत धेरै दिनदेखि ब्रेभरम्यानको राजनीतिक भविष्यको बारेमा अनुमान गरिएको थियो। पछिल्लो समय उनले धेरै विवादित बयान दिएपछि ऋषि सुनकमाथि उनलाई हटाउन दबाब बढेको थियो ।

गृहमन्त्रीको हैसियतमा ब्रेभरम्यानले पनि प्रहरीको कामकाजको जिम्मेवारी सम्हालिन् । उनले महानगरीय प्रहरी आन्दोलनकारीमाथि कडा नरहेको र विभेद गरेको लेखेका थिइन् ।

उनलाई लण्डनमा यस साताको अन्त्यमा भएको प्रदर्शनका क्रममा भएको हिंसाका लागि जिम्मेवार ठहराइएको थियो ।

ब्रेभरम्यानले प्यालेस्टिनी जनताको समर्थनमा भएको प्रदर्शनलाई घृणाले भरिएको प्रदर्शनको रूपमा वर्णन गरेकी थिइन् र प्रहरीले प्रदर्शनकारीहरूसँग व्यवहार गर्दा भेदभाव गरेको आरोप लगाइन्।

सत्तारुढ कन्जरभेटिभ पार्टीले मन्त्रीहरू हेरफेर गर्ने प्रक्रियामा ब्रेभरम्यानलाई हटाइएको बताएको छ। उनको स्थानमा गृहमन्त्रीको जिम्मेवारी कसले लिने हो भन्ने अझै खुलाइएको छैन ।