नापोलीलाई हराउँदै रियल च्याम्पियन्स लिगको नक आउट चरणमा
च्याम्पियन्स लिगमा रियल मड्रिडले नापोलीलाई हराएको छ । गएराति सान्टियागो बर्नब्युमा भएको खेलमा नापोली रियलसँग ४(२ गोलले स्तब्ध भएको हो ।
रियलको जितमा रोद्रिगो, ज्युड बेलिंघम, निको पाज र जोसलुले एकरएक गोल गरे ।
९ औं मिनेटमा नापोलीका जियोवानी शिमोनको गोललाई ११ औं मिनेटमा रियलका रोद्रिगोले बराबरी बनाएका थिए । त्यसपछि २२ औं मिनेटमा बेलिंघमले गोल गर्दै रियललाई पहिलो हाफमा २-१ को अवस्थामा पुर्याएका थिए ।
दोस्रो हाफको ४७ औं मिनेटमा आन्द्रे फ्र्यांकले गोल गर्दै खेललाई बराबरीको अवस्थामा पुर्याएका थिए ।
८४ औं मिनेटमा निको पाजले गोल गर्दै रियललाई पुनः अग्रता दिलाउँदै ३-२ को अवस्थामा पुर्याए । त्यसपछि इन्ज्युरी समयमा बेलिंघमको असिस्टमा जोसलुले गोल गर्दा रियल ४-२ ले विजयी बनेको हो ।
जितसँगै समूह चरणको एक खेल अगावै रियल च्याम्पियन्स लिगको नक आउटमा प्रवेश गरेको छ ।
