फिल्म ‘नम्बरी सुन’ को नयाँ गीत सार्वजनिक (भिडियो)

राजु गिरी निर्देशित फिल्म ‘नम्बरी सुन’ को नयाँ गीत सार्वजनिक भएको छ ।

आइतबार ओएसआर डिजिटल युट्युब च्यानलमार्फत फिल्ममा समावेश ‘तिमी बर म पीपल’ बोलको गीत सार्वजनिक गरिएको हो । प्रताप दास र अनु चौधरीको स्वर रहेको गीतमा अर्जुन पोखरेलको शब्द र संगीत छ ।

रामजी लामिछानेले कोरियोग्राफी गरेको गीतमा गौरव पहारी र नम्रता सापकोटा फिचर्ड छन् । गीतको भिडिओलाई मानकृष्ण महर्जनले छायांकन गरेका हुन् ।

फिल्ममा गौरव र नम्रतासँगै सरोज खनाल, बुद्धि तामाङ, राजाराम पौडेल, विनोद न्यौपाने, किरण नेपाली, राजेन्द्र खड्गी, सबिन बास्तोला, गीता अधिकारी, नारायण खाती, अस्मिता न्यौपाने र राजेन्द्र गिरीलगायत कलाकारको अभिनय छ ।

फिल्ममा शिवम अधिकारीको कथा र पटकथा, दिव्य सुवेदीको छायांकन, गौतमराज खड्काको सम्पादन, अर्जुन पोखरेल र सन्तोष श्रेष्ठको संगीत, अर्जुन पोखरेल र नारायण खातीको शब्द, राजेशपायल राई, प्रताप दास, शान्तिश्री परियार र अनु चौधरीको स्वर, विनोद भुजेलको ब्याकग्राउण्ड स्कोर, समीर मियाँको भीएफएक्स, देव महर्जनको द्वन्द्व, रामजी लामिछानेको कोरियोग्राफी छ ।

नारायण खाती प्रस्तुतकर्ता रहेको फिल्ममा सरोज खाती, सबिन खाती र मनोज रिजाल निर्माता छन् । फिल्मलाई जिजिए ग्रुप र एफडी कम्पनीले वितरण गर्दैछ । यो फिल्म माघ १९ गतेदेखि प्रदर्शन हुँदैछ ।