आज मिति २०८० साल पुस १२ गते, बिहीबार, यस्तो छ तपाईको राशिफल
२०८० पुस १२ गते, बिहीवार, २८ डिसेम्बर २०२३। पाैष कृष्णपक्ष द्वितीया तिथि। पुनर्वशु नक्षत्र। चन्द्रराशि मिथुन, १८ः२८ बजेपछि कर्कट।
मेष : दिन राम्रो छ। शिक्षा र स्वास्थ्य क्षेत्रमा गरेको लगानीबाट फाइदा हुनेछ। सोचेको काम बन्नेछ। बोलीमा मोहनी भएकाले सबैले प्रशंसा गर्ने योग छ। प्रेमका लागि प्रस्ताव गर्नु राम्रो हुनसक्छ।
वृष : चन्द्रमा दाहिने भएकाले हरेक क्षेत्रमा राम्रो प्रतिफल प्राप्त हुनेछ। वैदेशिक लगानीमा ठगको फन्दामा पर्ने भएकाले सचेत भएर व्यवहार गर्नु राम्रो हुन्छ। व्यवहारमा परिवारको साथ मिल्नेछ।
मिथुन : दिन राम्रो छ। वैदेशिक रोजगारीमा गरेको लगानीबाट राम्रो प्रतिफल प्राप्त हुनेछ। परिवारले हरेक काममा सहयोग गर्ने देखिन्छ। प्रेममा सफलता हात लाग्नेछ।
कर्कट : दिन सामान्य छ। विवादको सामना गर्नुपर्ने हुनसक्छ। स्वास्थ्यमा समस्या देखिए पनि परिवारको साथ मिल्नेछ।
सिंहः दैनिकी राम्रो छ। स्वास्थ्य र शिक्षा क्षेत्रमा उत्साह मिल्नेछ। परिवारमा झगडा हुनसक्छ। विवाद भएमा तर्क धेरै नगर्नु राम्रो हुन्छ। आफ्नो कामबाट भने सम्मान प्राप्त हुनसक्छ।
कन्या : दिन सामान्य छ। व्यवहारिक झन्झट आइपर्न सक्छ। साथीबाट साथ नमिल्न सक्छ। परिवारले साथ नदिए पनि वैदेशिक क्षेत्रमा गरेको लगानीले फाइदा दिनेछ।
तुला : आर्थिक क्षेत्र सामान्य छ। साथीले खुट्टा तान्ने भएकाले साथीबाट जोगिनु राम्रो हुन्छ। धार्मिक कार्यमा संलग्न भएमा सोचेको काम बन्नेछ।
वृश्चिक : आजको दिन सामान्य छ। दिन प्रतिकुल छ। सहयोगीले अप्ठेरो कुरा गर्ने देखिन्छ। व्यापार व्यवसायमा घाट साहनुपर्ने हुनसक्छ। पिपलको दर्शन गरेर थालेको कामबाट फाइदा हुनेछ।
धनु : दिन राम्रो छ। आफ्नो बोलीले सबैलाई प्रभावित बनाउने देखिन्छ। स्वास्थ्य राम्रो हुनेछ। मनमा उत्साह मिल्ने योग छ। परिवारले हरेक क्षेत्रमा साथ दिनेछन्। प्रेममा सफलता मिल्नेछ।
मकर : दैनिकी सामान्य छ। शनिदेवको छाया परेकाले वर वा पिपलको दर्शन गर्दा मात्र दिन सफल हुन्छ। परिवारमा विश्वास गर्दा घाटा हुने योग छ।
कुम्भ : साथीभाइ अनुकुल भएका छन्। शिक्षाको क्षेत्रमा गरेको लगानी र श्रमबाट फाइदा हुनेछ। परिवारको साथ मिल्नेछ। प्रेम सम्बन्ध सुमधुर बन्नसक्छ।
मीन : मनमा प्रशन्नता मिल्नेछ। नयाँ कामको थालनी हुनेछ। व्यापारमा पुराना ग्राहकको साथ पाइने छ। सन्तानको प्रगति देख्न सकिन्छ। परिवारमा खुशी मिल्नेछ।
