यू-१९ विश्वकप क्रिकेट खेलेर स्वदेश फर्कियो नेपाली टोली

यू-१९ विश्वकप क्रिकेट खेलेर नेपाली टोली स्वदेश फर्किएको छ । दक्षिण अफ्रिकामा आयोजित विश्वकप खेलेर नेपाली टोली सोमबार बिहान स्वेदश फर्किएको हो ।

उनीहरूलाई नेपाल क्रिकेट संघ क्यानका पदाधिकारीहरूले त्रिभुवन अन्तर्राष्ट्रिय विमानस्थलमा स्वागत गरेका थिए ।

समूह चरणको अन्तिम खेलमा अफगानिस्थानलाई हराउँदै नेपाल सुपर सिक्समा पुगेको थियो । सुपर सिक्समा नेपाल बंगलादेश र भारतसँग पराजित भएको थियो ।