भारतको महाराष्ट्रस्थित कपडा पसलमा आगलागी हुँदा सात जनाको मृत्यु

भारतीय राज्य महाराष्ट्रको सम्भाजीनगर क्यान्टोन्मेन्ट क्षेत्रस्थित एक कपडा पसलमा भीषण आगलागी हुँदा सात जनाको मृत्यु भएको छ ।

औरंगाबादका पुलिस कमिश्नर मनोज लोहियाले समाचार एजेन्सी एएनआईलाई छत्रपति सम्भाजीनगरको क्यान्टोन्मेन्ट क्षेत्रमा बिहान ४ बजे कपडा पसलमा आगलागी भएको जानकारी दिएका छन् ।

प्रारम्भिक अनुसन्धानअनुसार सात जनाको निसासिएर मृत्यु भएको हो । आगलागीको कारण खुल्न नसकेको र अनुसन्धान भइरहेको बताइएको छ ।