आज मिति २०८१ साल बैशाख १२ गते, बुधबार, यस्तो छ तपाईको राशिफल
२०८१ बैशाख १२ गते | बुधबार २४ अप्रिल २०२४। वैशाख कृष्णपक्ष प्रतिपदा तिथि। स्वाती नक्षत्र। चन्द्रराशि तुला।
मेष : रमाइलो यात्राको योग छ । साथीसँगको भेट रमाइलो हुनेछ। शिक्षा क्षेत्रको लगानीबाट उत्साह बढ्नेछ। स्वास्थ्यमा सुधार हुनेछ। प्रेम सम्बन्ध सुमधुर बन्नेछ।
वृष : भविष्यको योजना आफैले बनाउनुपर्ने दिन छ। एउटै कामबाट दोहोरो लाभ प्राप्त हुनेछ। प्रयास गरेको क्षेत्रबाट प्रतिफल प्राप्त हुनेछ। वैदेशिक क्षेत्रमा गरेको लगानीबाट फाइदा हुनेछ। परिवारसँगको सम्बन्ध सुमधुर बन्नेछ।
मिथुन : शिक्षा क्षेत्रमा प्रगति हुनेछ। परिवारबाट राम्रो सहयोग प्राप्त हुनेछ। आर्थिक क्षेत्रमा उन्नति र सामाजिक क्षेत्रको सम्बन्ध सुधार हुनेछ।
कर्कट : स्वार्थ समूह सक्रिय भएकाले काम गर्दा सचेत हुनुपर्नेछ। न्यायपूर्वक गरेको लगानीबाट फाइदा हुनेछ। परिवार र प्रेम सम्बन्ध सुखमय रहनेछ।
सिंह : आर्थिक अवस्था सुधार हुनेछ। सहयोग गर्ने साथी धेरै छन्। आदर्श व्यक्तिसँगको भेटले मनमा खुशी मिल्नेछ। स्वदेशमा भन्दा विदेशमा गरेको लगानीबाट फाइदा हुनेछ। परिवारसँगको सम्बन्ध सुमधुर बन्नेछ।
कन्या : बौद्धिक व्यक्तिसँग भेट हुनेछ। रोकिएको काम बन्नेछ। साथीभाइसँगको भेट रमाइलो र फलदायी हुनेछ। लगानीबाट फाइदा हुनेछ। प्रेम सम्बन्ध सुमधुर बन्नेछ।
तुला : व्यापारमा सफलता मिल्नेछ। शिक्षा क्षेत्रमा प्रशंसा प्राप्त हुनेछ। कर्म क्षेत्रमा सन्तुष्टि प्राप्त हुनेछ। परिवारको सहमतिमा काम गर्नु राम्रो हुनेछ।
वृश्चिक : दिन सामान्य छ। लगानीको क्षेत्रमा जोखिम हुनसक्छ। यात्रा गर्दा सचेत हुनुपर्नेछ। काममा अवरोध सिर्जना हुनसक्छ। परिवारसँगको सम्बन्ध भने राम्रो रहने छ।
धनु : समय सामान्य छ। आर्थिक कारोबारमा बाधा हुनसक्छ। एकोहोरो मायाका कारण पीडा हुनेछ। शिक्षा क्षेत्रमा फाइदा हुनेछ। परिवारसँगको सम्बन्ध राम्रो छ।
मकर : आज मन अध्यात्म र दर्शनतर्फ आकर्षित बन्नेछ । पेसा र व्यवसायबाट लाभ हुनेछ । कसैकसैका लागि सन्तान प्राप्ति र प्रसन्नता छाउनेछ ।
कुम्भ : आर्थिक लाभ हुनेछ। परीक्षा लेखेको भए राम्रो नतिजा प्राप्त हुनेछ। समाजले सम्मान गर्ने योग छ। रमाइलो यात्राको योग रहेको छ।
मीन : यात्रामा जोखिम देखिन्छ। खानपानमा विशेष ध्यान दिनुपर्ने दिन छ। व्यापारमा सचेत नभए जोखिम हुनसक्छ। ठुलो खर्चबाट आफैं जोगिनु राम्रो हुन्छ। परिवारसँगको सम्बन्धमा विरोधका स्वर सुन्नुपर्नेछ।
