‘लन्डन टु पेरिस’को गीत ‘सुवी डु’ सार्वजनिक

चलचित्र ‘लन्डन टु पेरिस’को गीत ‘सुवी डु’ सार्वजनिक भएको छ । शुक्रबार रिलिज गरिएको रोमान्टिक गीतमा बियोण्ड र प्रविशा अधिकारीको स्वर छ । गीतमा शब्द तथा संगीत पनि बियोण्डकै छ ।

डान्सिङ नम्बरमा साम्राज्ञी राज्यलक्ष्मी शाह, निश्चल खड्का, गरिमा शर्मा, कविर खड्का, मनिष गान्धी र रुष्मा थापा फिचर्ड छन् । सार्वजनिक गीतलाई ओस्कार विजेता कोरियोग्राफर लंगनेस फर्नान्डेजले कोरियोग्राफी गरेका हुन् ।

घनश्याम लामिछाने निर्देशित चलचित्रले ट्राभल लभस्टोरीको कथा पेस गर्छ । चलचित्रको कथा, पटकथा र संवाद प्रदीप भारद्धाजले लेखेका छन् । चलचित्र यही जेठ २५ गतेबाट रिलिज हुँदै छ ।