नेपाललाई क्रिकेट खेल्न अफगानिस्तानको निम्तो
काठमाडौँ । टी–२० विश्वकप क्रिकेट सकिए लगत्तै अफगानिस्तानले नेपालसँग क्रिकेट खेल्ने भएको छ। टी–२० विश्वकपको शनिबार भएको दक्षिण अफ्रिकासँगको खेलमा नेपाल १ रनले पराजित भएको थियो।
उक्त खेलमा नेपाली टोलीको सुदृढ प्रदर्शनपछि विश्वभरि नेपाली क्रिकेटको प्रशंसा भइरहेका बेला अफगानिस्तान क्रिकेट काउन्सिलले नेपाललाई अफगानिस्तान भ्रमणको निम्तो दिएको हो।
विश्वकपपछि काबुल क्रिकेट रङ्गशालामा नेपालले अफगानिस्तानसँग खेल्ने तय भए पनि कस्तो ढाँचामा खेलाउने र अन्य कुन–कुन टोली सहभागी गराउने भन्नेबारे अफगान क्रिकेट काउन्सिलले प्रष्ट पार्न भने बाँकी नै छ।
