बैकुण्ठ मानन्धर र एरिका गुरुङलाई एससीएसएमएफ स्पोर्ट्स अवार्ड
काठमाडौं । शरद चन्द्र शाह मेमोरियल फाउण्डेसनले पहिलो पहिलो पटक आयोजना गरको एससीएसएमएफ स्पोर्ट्स अवार्ड २०२४ बाट कीर्तिमानी धावक बैकुण्ठ मानन्धर र सम्मानित भएका छन् ।
फाउण्डेसनले आइतबार काठमाडौंमा एक कार्यक्रम आयोजना गर्दै दुई खेलाडीलाई अवार्ड सहित सम्मानित गरेको हो ।
फाउण्डेसनले एक पुराना र एक नयाँ खेलाडीलाईलाई एससीएसएमएफ स्पोर्ट्स अवार्ड २०२४ बाट सम्मान गरेको हो । मानन्धर गुरुङलाई अवार्डसहित नगद २ लाख ५० हजार सम्मानपत्र प्रदान गरिएको थियो ।
मानन्धरले म्याराथनमा दक्षिण एसियाली खेलकुदमा लगातार तीन स्वर्ण जितेका थिए साथै उनले सागमा म्याराथनमा नेपालबाट कीर्तिमान समेत राखेका छन् ।
करातेकी नयाँ स्टारको रुमा उदाएकी एरिका गुरुङले गत वर्ष चीनको हान्झाउमा भएको १९औं एसियाडमा करातेमा ऐतिहासिक रजत जितेकी थिइन् ।
फाउण्डेसनका अध्यक्ष रेनु शाह र मिहिका शाहले मानन्धर र गुरुङलाई अवार्ड प्रदान गरे । दुवैलाई सम्मान पत्र र अवार्डसहित नगद २ लाख ५० हजार प्रदान गरिएको थियो ।
शरदचन्द्र शाह मेमोरियल फाउन्डेसन स्वर्गीय शरदचन्द्र शाहाको सम्झनामा उनका परिवारहरूद्वारा २०२० नोभेम्बरमा स्थापना गरिएको हो। शरदचन्द्र शाहा नेपाली खेलकुद इतिहासमा प्रमुख परिवर्तन ल्याउने व्यक्तिका रुपमा प्रख्यात छन । उनी एशियाली ओलम्पिक परिषद्को उपाध्यक्षको रूपमा सेवा गर्ने पहिलो नेपाली पनि हुन् ।
२०३४ देखि२०४५ सालसम्म राष्ट्रिय खेलकुद परिसदको सदस्य सचिव तथा नेपाल ओलम्पिक कमिटिको अध्यक्ष रहेका शाह नेपालको राष्ट्रिय प्रतियोगिता तथा साउथ एशियन गेम्सको योजनाकार मानिन्नछन् ।
