सुनिल खड्का बने कमेडी च्याम्पियन सिजन-३ का विजेता
कमेडी च्याम्पियन सिजन- ३ का विजेता सुनिल खड्का बनेका छन् ।
शनिबार भएको ग्रान्ड फिनालेमा उनी विजेता भएका हुन् । ऋषभ काफ्ले फर्स्ट रनरअप बनेका छन् भने सुयशा खनाल सेकेन्ड रनर-अप बनेकी छन् ।
काठमाडौंका २६ वर्षीय सुनिल खड्का, नवलपरासीकी १२ वर्षीया सुयशा खनाल र सुनसरीका २९ वर्षीय ऋषभ काफ्ले टप तीनमा पुगेका थिए ।
उनले २५ लाख नगदसहित सीजी मोटर्सको विद्युतीय गाडी नेटा भी कार लगायतका अन्य पुरस्कार पाएका छन् । फस्ट रनरअप ऋषभ हुँदा सेकेन्ड रनरअप सुयाशा भइन् ।
फस्ट र सेकेन्ड रनरअपले भने एक/एक वटा स्कुटर पुरस्कार पाएका छन् ।
यस कार्यक्रमको निर्णायकका रूपमा सन्तोष पन्त, मनोज गजुरेल, प्रदीप भट्टराई र ऋचा शर्मा रहेका छन् । त्यस्तै, विशाल भण्डारीले निर्देशन गरेको यो सोको होस्ट रिमा विश्वकर्मा र मेक्सन गौडेलले गरेका थिए ।
