एसईई पूरक परीक्षाको समय तालिका सार्वजनिक

राष्ट्रिय परीक्षा बोर्डले माध्यमिक शिक्षा परीक्षा (एसईई) को पूरक परीक्षा तालिका सार्वजनिक गरेको छ ।

राष्ट्रिय परीक्षा बोर्ड, परीक्षा नियन्त्रण कार्यालय (कक्षा १०) ले मंगलबार सूचना जारी गर्दै पुरक परीक्षाको तालिका सार्वजनिक गरेको हो । तालिकाअनुसार एसईई पुरक परीक्षा आगामी साउन २३ गतेदेखि ३१ गतेसम्म सञ्चालन हुनेछ ।

परीक्षा बिहान ११ बजेदेखि दिउँसो २ बजेसम्म सञ्चालन हुने बोर्डले जनाएको छ ।

तीन दिनअघि मात्रै शिक्षा मन्त्रालयले यो वर्ष २ वा सोभन्दा बढी विषयमा ननग्रेड (एनजी) ल्याउने सबै विद्यार्थीलाई पूरक परीक्षामा सहभागी गराउने निर्णय गरेको थियो ।

पूरक परीक्षाका लागि यो वर्षदेखि बोर्डले अनलाइनबाटै आवेदन दिन सकिने व्यवस्थासमेत गरेको छ ।

हेर्नुहोस् सूचना