बैंककको एक पाँचतारे होटलमा ६ जना मृत भेटिए

थाइल्याण्डको राजधानी बैंककस्थित पाँचतारे होटलमा ६ जना व्यक्ति मृत भेटिएका छन् ।

मंगलबार बैंककको ग्राण्ड ह्यात होटलको पाँचौं तलाको एउटै कोठामा तीन महिला र तीन पुरुष मृत भेटिएका हुन् ।

२४ घन्टासम्म उक्त कोठामा बसेकाहरूले काउन्टरमा सम्पर्क नगरेपछि र निर्धारित समयमा चेक आउट नगरेपछि होटलका कर्मचारी उनीहरूको स्थिति बुझ्न गएका थिए ।

उनीहरू सबै भियतनामका नागरिक भएको जनाइएको छ । तीमध्ये केहीसँग अमेरिकाको पनि नागरिकता भएको घटनास्थलमा पुगेका अनुसन्धानमा संलग्न स्रेथा थाभिसिनले बताएका छन् ।

सबै मृतकहरूको शरीरमा कुनै पनि चोटपटक नदेखिएको र कोठामा सेतो पाउडरजस्तो देखिने पदार्थ भेटिएको उनले बताए । उनीहरूसँगै होटलमा बसेका एक जना फरार छन् ।

तीनै फरार व्यक्तिले बाँकी ६ जनालाई विष सेवन गराएको हुनसक्ने जनाइएको छ ।

प्रहरीले फरार रहेका व्यक्ति नै अभियुक्त रहेको आशंकामा ती व्यक्तिको खोजी गरिरहेको छ।