राष्ट्रपतिमा पार्टीबाट पनि समर्थन पाएकी ह्यारिसले भनिन्- मेरो उद्देश्य ट्रम्पलाई हराउने हो

अमेरिकाकी उपराष्ट्रपति कमला ह्यारिसले आफूलाई राष्ट्रपतिको उम्मेदवार बन्न आफ्नो पार्टी डेमोर्क्र्याटिक पार्टीबाट पनि समर्थन पाएको बताएकी छन् ।

यसअघि राष्ट्रपति जो बाइडेनले राष्ट्रपतिको दौड छाड्दै उपराष्ट्रपति ह्यारिसलाई समर्थन गरेका थिए । तर पार्टीबाट उनको नाममा समर्थन प्राप्त भइसकेको थिएन । अहिले भने डेमोक्र्याटिक पार्टीबाट राष्ट्रपतिको उम्मेदवार बन्न आवश्यक समर्थन प्राप्त भएको ह्यारिसले आफैँले जानकारी गराएकी हुन् ।

ह्यारिसले सामाजिक सञ्जाल एक्समा लेखेकी छन्, ‘हाम्रो पार्टीको उम्मेदवार बन्न आवश्यक समर्थन पाएकोमा मलाई गर्व छ ।’

उनले अगाडि लेखेकी छन्, ‘आगामी केही महिनामा म देशैभर घुमेर अमेरिकाका जनतासँग हरेक मुद्दामा कुरा गर्नेछु । मेरो उद्देश्य हाम्रो पार्टी र राष्ट्रलाई एकताबद्ध गर्ने र डोनाल्ड ट्रम्पलाई हराउने हो ।’