भदौ २१ गतेदेखि प्रदर्शनमा आउन लागेको ‘देवी’ को टिजर सार्वजनिक (भिडियो)

भदौ २१ गते रिलिज हुन लागेको फिल्म ‘देवी’ को टिजर सार्वजनिक भएको छ । फिल्मको टिजरमा समाजमा घट्ने बलात्कार जस्ता अपराजन्य घटनामा कानुनले पार्ने प्रभाव र त्यसले निम्त्याउने परिणामको कथा समेटिएको छ ।

टिजरमा एक संवादले सिनेमा केही वर्ष अघि सुदुरपश्चिममा घटेको १३ वर्षीया बालिका निर्मला पन्तको बलात्कारपछि हत्यामा आधारित रहेको बुझ्न सकिन्छ ।

‘देवी’ एक्जिबिट स्टुडियोको प्रस्तुतिमा बनेको सिनेमा हो । क्राइम थ्रिलर जनरामा निर्माण भएको सिनेमाका निर्देशक सञ्जोग राई हुन्। सिनेमाको कथा निर्देशक राईले अजय गौतमसँग मिलेर लेखेका छन् ।

सार्वजनिक प्रदर्शनका लागि यो सिनेमा निर्माण टिमले बाँसुरी फिल्म्ससँगको सहकार्य गरेको छ । यो फिल्म नेपालसहित विदेशमा पनि एकसाथ प्रदर्शनमा आउनेछ ।

फिल्ममा शिल्पा मास्के, गौरव पहारी, नाजिर हुसेन, टीका पहारी, प्रभाकर न्यौपाने, ध्रुब कोइराला, निरिक्षा घतानी, विशाल पहारी, निरु खड्का, जीवन जंग खड्का र विकास पन्तको अभिनय रहेको छ ।

रेमन गुरुङ, नारायण राई र सञ्जोग राईको निर्माण रहेको सिनेमाको कार्यकारी निर्माता जावेद खान तथा सह९निर्माता उजेन नोर्वे गुरुङ र मिलन लामा हुन् ।
हेर्नुहोस् भिडियो