चलचित्र ‘माइली’को शुभमुहूर्त, भोलिबाट छायांकन

चलचित्र ‘माइली’को शुभमुहूर्त गरिएको छ । सोमबार राजधानीको भद्रकाली मन्दिरमा चलचित्रको मुहूर्त गरिएको हो ।

चलचित्रमा प्रियंका कार्की, करिष्मा मानन्धर, शर्मिला मल्ल, कमला घिमिरे, सुष्मा लामा, अंशु महर्जन, कुसुम शर्मा, प्रिया रिजाललगायत कलाकारको अभिनय छ । फिल्ममा प्रियंका र कमला आमाछोरीको भूमिकामा छन्।

रुना इन्टरटेन्ट्मेन्टको ब्यानरमा बन्ने फिल्मको मुहुर्त फिल्मका कलाकार र प्राविधिकको उपस्थिति रहेको थियो । यो फिल्म बाबु साहेब बलामीको कन्सेप्ट र निर्देशनमा बन्नेछ । फिल्ममा शंकर अधिकारी ‘घायल’को गीत, पटकथा र सम्बाद रहेको छ ।

निर्देशक बलामीले चलचित्र सत्य घटनामा आधारित हुने बताएका छन् । चलचित्र मंगलबारबाट छायांकन गरिनेछ । मकवानपुरको वीरखर्ग, कुलेखानी, काठमाडौं र दुबईमा चलचित्र खिचिनेछ ।