तोलामा तीन सय रुपैयाँले घट्यो सुन, चाँदी पनि सस्तियो

नेपाली बजारमा शुक्रबार सुन र चाँदी दुवैको मूल्य घटेको छ । नेपाल सुनचाँदी व्यवसायी महासंघका अनुसार आज सुन ३ सय र चाँदी १० रुपैयाँले सस्तो भएको हो ।

आज सुन प्रतितोला १ लाख ५२ हजार ९ सय र चाँदी १ हजार ८ सय २० रुपैयाँमा कारोबार भएको छ । बिहीबार सुन प्रतितोला १ लाख ५३ हजार २ सय रुपैयाँमा कारोबार भएर ऐतिहासिक रेकर्ड कायम गरेको थियो ।

यस्तै हिजो चाँदी १ हजार ८ सय ३० रुपैयाँमा कारोबार भएको थियो ।

अन्तर्राष्ट्रिय बजारमा सुन २ हजार ५१४ अमेरिकी डलर र चाँदी २९.४४ अमेरिकी डलर प्रतिऔँस मूल्यमा कारोबार भएको एजेन्सीहरुले उल्लेख गरेका छन् ।