फेसबुकले हटाएको बालेनको पोष्ट फिर्ता

काठमाडौँ महानगरपालिकाका मेयर बालेन्द्र शाह (बालेन) ले गत भदौ १६ गते सामाजिक सञ्जाल फेसबुकमा लेखेको नेकपा एमालेकी प्रदेश सांसद रेखा शर्माबारेको स्टाटस फेरि देखिएको छ।

प्रदेश सांसद शर्माले ८ वर्षदेखि नाबालिगलाई बन्दी बनाएकोमा किन पक्राउ नगरेको भन्दै प्रश्न गरेको उक्त स्टाटस धेरै रिपोर्ट भएपछि फेसबुकले नै हटाएको मेयर शाहको सचिवालयले दाबी गरेको थियो।

ती बालिकालाई कुटपिटसमेत गर्दै आएको विषयमा २ महिनादेखि महानगरले आग्रह गर्दा पनि सरकारले कारबाही नगरेको भन्दै बालेनले आपत्ति जनाएका थिए।

फेसबुकमा राखेको २ दिनपछि वालबाट हटेको उक्त स्टाटस शुक्रबार फेरि देखिएको छ। फेसबुकले माफी माग्दै स्ट्याटस पुन: देखिने बनाएको हो।