मलाइका अरोराका बुवाको सात तलामाथिबाट हाम फालेर मृत्यु
बलिउड अभिनेत्री तथा टेलिभिजन पर्सनालिटी मलाइका अरोराका पिता अनिल अरोराले बुधबार मुम्बईको बान्द्रास्थित आयशा मनोर भवनको सातौं तलाबाट हाम फालेर आत्महत्या गरेका छन् । भारतीय सञ्चारमाध्यमका अनुसार घटनाबारे प्रहरीले अनुसन्धान थालेको छ ।
शवलाई पोस्टमार्टमका लागि पठाइएको छ । मृत्युको कारण नखुलेपनि मलाइकाका बुवाले हाम फालेको प्रहरीले पुष्टि गरेको छ ।
बीबीसी हिन्दीका अनुसार अनिलको मृत्युपछि सबैभन्दा पहिले मलाइकाका पूर्वपति अरबाज खान घटनास्थल पुगेका थिए। घटनाका बेला मलाइका अरोरा पुणेमा थिइन्।
