शुक्रबार इतिहासकै सर्वाधिक महँगो बनेको सुनको मूल्यमा आज गिरावट

शुक्रबार इतिहासकै सर्वाधिक महँगो बनेको सुनको मूल्यमा साताको पहिलो दिन आज केही गिरावट आएको छ । आज सुन तोलामा ६ सय रुपैयाँले घटेको हो ।

नेपाल सुनचाँदी व्यवसायी महासंघका अनुसार आज सुनको मूल्य एक लाख ६० हजार ६ सय रुपैयाँ निर्धारण भएको छ । गत शुक्रबार सुन प्रतितोला १ लाख ६१ हजार २ सय रुपैयाँ पुगेको थियो । यो मूल्य अहिलेसम्मकै सर्वाधिक महँगो हो ।

आज चाँदीको मूल्य पनि घटेको छ । शुक्रबार १ हजार ९ सय ५५ रुपैयाँमा कारोबार भएको चाँदीको मूल्य आज १० रुपैयाँ घटेर एक हजार ९ सय ४५ रुपैयाँमा झरेको छ ।