आज पनि घट्यो सुनको मूल्य, कतिमा हुँदैछ कारोबार ?

सुनको मूल्यमा आज पनि गिरावट आएको छ । आइतबार तोलामा तीन सय रुपैयाँले घटेको सुनको मूल्य आज थप पाँच सय रुपैयाँले घटेको हो ।

नेपाल सुनचाँदी व्यवसायी महासंघका अनुसार सुनको मूल्य आज एक लाख ६० हजार पाँच सय रुपैयाँमा झरेको छ ।

शुक्रबार हालसम्मकै उच्च मूल्यमा कारोबार भएको सुन हिजो ३ सय रुपैयाँ घटेर १ लाख ६१ हजार रुपैयाँमा कारोबार भएको थियो ।

गत शुक्रबार सुनको मूल्य १ लाख ६१ हजार ३ सय रुपैयाँ पुगेको थियो । सुनको यो मूल्य अहिलेसम्मकै सबैभन्दा महँगो हो ।

चाँदीका मूल्यमा पनि आज गिरावट आएको छ । हिजो चाँदी १ हजार ९ सय ८५ रुपैयाँमा कारोबार भएको थियो । आज चाँदी तोलाको एक हजार नौ सय ८० रुपैयाँमा कारोबार भइरहेको समितिले जनाएको छ ।