दिल्लीमा वायु प्रदूषणलाई रोक्न कडा नियम लागू

वायुको गुणस्तर बिग्रिएपछि भारतको राजधानी सहरमा बढ्दो वायु प्रदूषण स्तरलाई सम्बोधन गर्न नयाँ दिल्लीमा वायु प्रदूषणको कडा उपायहरू अपनाइएको छ । भारतको राजधानी सहरका धेरै क्षेत्रमा वायु गुणस्तर सूचकाङ्क (एक्युआइ) पिएम२.५ को हिसाबले ३०१ र ४०० को बिचमा रेकर्ड गरिएको थियो ।

जुन धेरै खराब श्रेणीमा परेको थियो । भारत सरकारको वायु गुणस्तर र मौसम पूर्वानुमान र अनुसन्धानको प्रणालीअनुसार नयाँ उपायहरू राष्ट्रिय राजधानी क्षेत्र र छेउछाउका क्षेत्रहरूमा वायु गुणस्तर व्यवस्थापन आयोगले जारी गरेको ग्रेडे प्रतिक्रिया कार्य योजनामा समावेश गरिएको थियो । नयाँ प्रदूषण विराेधी उपायहरूमा भ्याकुम स्वीपिङ र सडकमा पानी छर्कने, ट्राफिक आवागमनलाई सहज बनाउनको लागि सिङ्क्रोनाइज गर्ने, निजी यातायातलाई निरुत्साहित गर्न पार्किङ शुल्क बढाउने, सार्वजनिक यातायातको फ्रिक्वेन्सी बढाउने जस्ता समावेश छन् ।

दिल्लीमा बसोबास गर्ने मानिसहरूलाई अक्टोबरदेखि जनवरीसम्म धुलो–उत्पादन गर्ने निर्माण गतिविधिहरूबाट जोगिन र निजी सवारीहरूमा नियमित रूपमा एयर फिल्टरहरू प्रतिस्थापन गर्न सल्लाह दिइएको छ ।