उन्मुक्त चन्द लुम्बिनी लायन्समा अनुबन्धित
भारतीय यू–१९ विश्वकप विजेता कप्तान तथा आईपीएल स्टार उन्मुक्त चन्द नेपाल प्रिमियर लिग (एनपीएल)का लागि लुम्बिनी लायन्समा अनुबन्धित भएका छन् ।
चन्दले भारतलाई कप्तानको रूपमा २०१२ यू–१९ विश्वकप जिताएका थिए । उक्त फाइनल खेलमा उनले शतक समेत प्रहार गरेका थिए । उनीसँग दिल्ली डेयरडेभिल्स र मुम्बई इन्डियन्स जस्ता ठूला फ्रेन्चाइजहरू खेलेको अनुभव छ । हाल अमेरिकाको मेजर लिग क्रिकेटमा पनि उनले उत्कृष्ट प्रदर्शन गर्दै आएका छन् ।
भारतको ए टोलीबाट समेत खेलिसकेका उन्मुक्तले भारतमा पर्याप्त अवसर नपाएपछि भारतीय क्रिकेटबाट सन्यास लिंदै अमेरिका लागेका थिए ।
उनकै कप्तानीमा भारतले घरेलु टोली अष्ट्रेलियालाई फाइनलमा ६ विकेटले स्तब्ध पार्दै सन् चन्दको २०१२ मा यू-१९ विश्वकप क्रिकेटको उपाधि जितेको थियो । फाइनलमा उनले शतकसमेत प्रहार गरेका थिए ।
उन्मुक्त चन्दले दिल्ली क्यापिटल्स, मुम्बई इण्डियन्स र राजस्थान रोयल्सबाट इन्डियन प्रिमियर लिग (आईपीएल) खेलेका थिए ।
