रुकुमबाट काठमाडौँ आउँदै गरेको बस बागलुङमा दुर्घटना

रूकुम पश्चिमबाट काठमाडौं आउँदै गरेको बस बागलुङमा दुर्घटना भएको छ। रूकुम पश्चिमबाट मध्यपहाडी लोकमार्ग हुँदै काठमाडौं आउँदै गरेको ना ८ ख ८४१४ नम्बरको बस निसीखोला गाउँपालिका–६ मा दुर्घटना भएको गाउँपालिका अध्यक्ष सुर्यबहादुर घर्तीले जानकारी दिए । बसमा ४४ सवार रहेको उनले जानकारी दिएका छन् ।

घर्तीका अनुसार अघिल्लो वर्ष दुर्घटना परेकै नजिक भएको दुर्घटनाको क्षति यकिन भईसकेको छैन । अघिल्लो वर्ष सोही स्थानमा भएको बस दुर्घटनामा ७ जनाको मृत्यु र ३० जना घाइते भएका थिए ।