शाहरूख खानको ‘बाजीगर’ को सिक्वेल बन्ने

शाहरुख खान स्टारर बलिउड फिल्म ‘बाजीगर’ को सिक्वेल बन्ने भएको छ । रिलिजको ३१ वर्षपछि सिक्वेल बनाउने तयारी चलेको निर्माता रतन जैनले बताए ।

बाजीगरका निर्माता यसको पार्ट २ बनाउने योजनामा छन् । यसका लागि उनी रोमाञ्चक हुने स्क्रिप्टको खोजीमा छन् । यस फिल्मलाई अहिलेको जमनाअनुसारको नयाँ फ्लेवरमा तयार पारिने समेत उनको भनाइ छ ।

निर्माता रतन जैनका अनुसार सिक्वेलको मुख्य भूमिकाको लागि शाहरुखसँग कुरा भइरहेको छ । उनले भने, ‘हामी शाहरुख खानसँग बाजीगर २ को बारेमा कुरा गरिरहेका छौँ । तर, अहिलेसम्म खास केही भएको छैन । तर यो फिल्म जरुर बनाइनेछ ।’

सन् १९९३ मा प्रदर्शन भएको फिल्ममा शाहरुखसहित काजोल र शिल्पा सेट्टीको मुख्य भूमिका थियो । अब्बास मस्तान निर्देशित यो फिल्म शिल्पाको डेब्यु फिल्म हो ।

यस फिल्मको एक डाइलग निकै चर्चित भएको थियो । उक्त डाइलग अहिलेपनि दर्शकको मुखमै झण्डिएको छ । त्यो डाइलग हो, ‘हार कर जीतने वालेको बाजीगर कहते हैं।’ले पनि उत्तिकै चर्चित छ ।