यूएईले नेपाललाई दियो ८४ रनको लक्ष्य

आईसीसी यू–१९ ट्वान्टी–२० विश्वकपको एसिया छनोटमा घरेलु टिम युनाइटेड अरब इमिरेट्स (यूएई)ले नेपालसामु ८४ रनको लक्ष्य प्रस्तुत गरेको छ । 

यूएईको सेभेन डिस्ट्रिक मैदानमा जारी खेलमा टस जितेर ब्याटिङमा आएको घरेलु टिमले निर्धारित २० ओभरमा नौ विकेट गुमाएर ८३ रनको योगफल खडा गरेको हो । 

विश्वकपमा छनोट हुन आज नेपाललाई फराकिलो जितको आवश्यकता छ । प्रतियोगितामा पाँच खेलबाट आठ अंक जोडेको नेपाल अंकतालिकाको दोस्रो स्थानमा छ । पाँच खेलबाट १० अंक जोडेको युनाइटेड अरब इमिरेट्स (यूएई) तालिकाको शीर्ष स्थानमा छ ।