भक्तराज आचार्यको बायोपिक ‘आचार्य’ युट्युबमा

भजन शिरोमणि भक्तराज आचार्यको बायोपिक ‘आचार्य’ युट्युबमा सार्वजनिक भएको छ । यो फिल्म बुधबार ओएसआर डिजिटलमार्फत रिलिज भएको हो ।

‘आचार्य’ भजन शिरोमणि भक्तराज आचार्यको जीवनीमा आधारित फिल्म हो । यो फिल्म प्रदर्शनको १३ वर्षपछि गत असारमा पुनः हलमा रिलिज भएको थियो । यस फिल्ममा भक्तराजको भूमिकामा उनका जेठा छोरा सत्यराज आचार्य देखिएका छन् ।

फिल्ममा अरुणा कार्की, सुनील पोखरेल, सौगात मल्ल, दयाहाङ राई, विपिन कार्कीलगायको अभिनय छ । रोशन राई निर्माता रहेको फिल्मलाई प्रशान्त रसाइलीले निर्देशन गरेका हुन् । यस फिल्मलाई देवजंग थापाले पुनस् सम्पादन गरेका छन् ।