मोटरसाइकलवालाले फालेको बोरामा साढे ३६ किलो चरेस

धनगढी उपमहानगरपालिका-५ लब्लि चोकबाट चरेश बरामद गरिएको छ । प्रहरीले बुधबार साँझ करिब ३६ किलो ६६२ ग्राम चरेस बरामद गरेको हो ।

गएराति अल्फाबेट नखुलेको १०७२ नम्बरको पल्सर मोटरसाइकललाई जाँच गर्दा मोटरसाइकल चालक र पछाडि बसेका व्यक्तिले सेतो रङको बोरा फालेर भागेका थिए ।

प्रहरीका अनुसार उक्त बोरामा ३६ किलो ६६२ ग्राम चरेस बरामद गरिएको प्रहरीले जनाएको छ । फरार मोटरसाइकल चालक र अर्का व्यक्तिको खोजी भइरहेको प्रहरीले जनाएको छ ।