अचेत अवस्थामा भेटिएका पुरुषको मृत्यु

पाल्पाको रामपुरमा अचेत अवस्थामा फेला परेका पुरुषको मृत्यु भएको छ । रामपुर–५, भम्बकका ५४ वर्षीय रामु काफ्ले आफ्नै घरको गोबर ग्यासको सेफ्टी ट्याङ्कीमाथि शुक्रबार बिहान अचेत अवस्थामा फेला परेका थिए ।

काफ्लेलाई उपचारका लागि रामपुर अस्पताल पुर्‍याए पनि चिकित्सकले मृत घोषणा गरेको प्रहरीले जनाएको छ ।

शव अहिले अस्पतालमै रहेको र घटनाबारे छलफल भइरहेको जिल्ला प्रहरी कार्यालय पाल्पाका प्रहरी नायब उपरीक्षक सुनिल मल्लले जानकारी दिए ।